نظام المقرارات
 

مساء الخير.........
انا أول مره اشارك, ومعلمة جديدة في التدريس وفي مادة (البحث ومصادر المعلومات)نظام المقرارات رغم إني خريجة مكتبات مرة تعبت في التحضير لاني مالقيت شي جاهز والحمدلله عديت نصف الكتاب طبعا بمجهودي ومنتداكم الرائع استفدت الكثير الكثير لااعرف كيف اشكركم ,وارجو من لديه اي معلومات او تحاضير في المقرارات يفيدنا معها, انا الان في مشكلة درس نماذج الموسوعات المطبوعة والالكترونية كيف احضرها خاصة في دفتر التحضير ماذا اكتب في الاهداف التقويم...الخ ساعدوني unsure

ارجوكم ليش ماتردو

رفع

ماعندي علم

اصلا مدري وش قصته ذا نظام المقررات

ادرس في محافظه صغيره وماسمعت عن مدارس طبقته

اهلا فيك وانا ايضا ادرس البحث و مصادر المعلومات لكن انت من اي مدينة

لا يوجد تحظير لمادة البحث و مصادر المعلومات جاهز في السوق عليك بتحظير المطبوع .
أما درس الموسوعات المطبوعة و الالكترونية ممكن تكتبي:
1- أن تعدد الطالبة نماذج للموسوعات المطبوعة العامة .
2- أن تذكر الطالبة نماذج للموسوعات المطبوعة المتخصصة .
3- أن تستخدم الطالبة الموسوعة العربية العالمية للحصول على المعلومات التالية .
لا تركزي على تاريخ صدور كل موسوعة وانما كيف يتم البحث فيها
وركزي على الموسوعة العربية العالمية .

مرحبا...اسفة على التاخير أنا من جدة والحمدلله انا تقدمت كثير في تحضير هذا النظام , وكان عندي يوم الاحد اجتماع لمشرفات المكتبات وموجهات ومعلمات البحث ومصادر المعلومات فقط نظام المقرارات ومره استفدت كثير وحيعملو لنا دورات وانشطة ,وحنحضر يوم الاربعاء درس نمودجي , صراحة استفدنا كثير وأي سؤال واقدر اجاوب علية انا مستعدة .

احد عندة خلفية للاختبار النهائي العملي كيف طريقتة , لان العملي ما يدخل في الاختبار النظري والوحدة السادسة فقظ للبحث عليها 15درجة ماتدخل في النهائي.

كيف الوحدة السادسة ما تدخل في النهائي وطيب ما اتكلموا الموجهات عن الاختبار العملي وطبيعة الاسئلة

السلام علكيم

اختي ممكن تشرحي لي نظام المقررات في مدرستك كيف وخاصة لمادة المكتبة لان جاء نقلي الحمد لله والمدرسة اللي ابغاها مطبقة نظام المقرارات وماعندي فكره عنه
ومن أي مدرسة في جدة انتي ؟؟؟؟؟؟
وشكرا

يا اختي اعطينا فكرة كاملة عن نظام المقررات والله يعطيك العافيه
لأنه سوف يطبق عندنا بالمدرسة بعد السنه تقريبا

ولك جزيل الشكر

مساء الخير اسفة على التاخير ...أنا كمان جديدة على النظام ومعلوماتي كمان جديدة ...نظام المقرارت عبارة عن مادة المكتبة والبحث في التعليم العام وهو مرحلة الاول ثانوي والثاني ادبي وثالث ادبي جمعت في كتاب واحد مع بعض الحذف والتعديل واصبحت المادة في المقرارات(البحث ومصادر المعلومات) تدرس على خمس حصص في الاسبوع كل يوم حصة والمادة اختيارية (حرة) يعني مو كل الطالبات ممكن يدرسوها فقط إلي تختارها؟ زي نظام الجامعة .
بالنسبة للوحدة السادسة هذا إلي فهمنا وانا لسة حتأكد إنشاءالله
وبالنسبة لطريقة الاسئلة ماتكلمو عنها واغلب الموجودات لهم فترة في النظام وما كان في وقت اسئل لكن حتصل بأذن الله على موجهتي واسئلها ؟

يعني يجمعو اولى وثانية وثالث في كتاب واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني الطالبه مره وحده تدرس مادة المكتبة ؟؟؟؟ مو 3 سنوات اولى وثانية وثالثة ؟؟؟

معليش على إسئلتي بس بجد احس مو فاهمة مادة المكتبة كيف حتسير في نظام المقرارت لأن احتمال أنقل لمدرسة نظام مقرارت

وجزاك الله خير

هلا فيك ...عادي حبيبتي أسئلي ؟
نعم الطالبة تدرس كتاب (البحث ومصادر المعلومات) مرة وحدة في خلال دراستها للمرحلة الثانوية العلمي والادبي وفي ترم واحد فقط مو طول السنة يعني احتمال كل ترم تنزل المادة حسب إلي مختارين المادة تراها مرة سهلة وحلوة وخفيفة المادة وماهي طويلة لانك حتعطي كل يوم حصة بالراحة تخلصي قبل نهاية الترم .
في البداية حتتعبي شوية عشان شي جديد بس بعدين بيكون سهل عليك إنشاءالله .
الدرجات حتكون النجاح من 100في الترم 15بحث 15 اختبارات دورية عملي ونظري 5مشاركة 5ملف اعمال 5واجبات 5حضور وغياب النهائي 30 اختبار عملي شفهي و20 نظري .

مشكوره اختي
إذا على كذا فنظام المقرارات أريح في التدريس وأخف وأهون بكثيييييييييير مررره اتحمست له
الله يكتب اللي فيه الخير

اختي hamas كيف احضر الاختبار العملي ماهي نمط الاسئلة ومن اي الدروس اختار لان عندي اختبار الاسبوع القادم وماني عارفة كيف الاسئلة والمشرفة ما ترد على الجوال ......الله يعين

الله يجزاها خير ويسعدها دنيا واخره اللي تخبرنا كيف العملي

مساء الخير...
بالنسبة للاختبارات طبعا في البداية قالو المشرفات من جدول المواصفات بعدين طلع في اخطاء في الجدول والغوه, ولازم لما تعملي الاختبار تشوفو المشرفه ؟؟ بالنسبة للعملي موجهتي ارسلتني على معلمة مطبقين المقرارات من فترة ووضحتلي بعض الامور طبعاعلى اسلوبها وكل معلمة لها طريقتها.
اول شي الفهرسة مثلا تضعي نمودج لبطاقة فهرسة مثل الكتاب والطالبة تعبي بيانات البطاقة , تعطيها اسماء كتب والمؤلف واطلبي منها تعمل رقم طلب انتي طبعا اعطيها جدول تصنيف ديوي او ارسميه على جنب في صفحة الاسئلة . اعطيهم مثلا اسماء كتب فقط والطالبة تكتب رقم التصنيف فقط, بالنسبة للمصادر اعملي جدول اكتبي فيه مثلا اسم المصدر واللفظ او الكلمة التي تبحث عنها وطريقة الترتيب ومعنى اللفظ والمجلد ورقم الصفحة لاتكثري من المصادر لان عندك وقت محدد في الاختبار. وإنشاءالله اكون افادتكم بشي بسيط على قد خبرتي انا زيكم تائهة في هذا النظام.
الله يعين. بالنسبة للوحدات إلي في العملي هي الوحدة 3و5 اما الوحدة ال6 تطبق فيها الدروس على تنفيد البحث الصفي هذا بالنسبة لموجهتنا ارجعو لمشرفتكم واسألوهم , والوحدة 1,2,4 اختبار نظري .

مساء الخير... ام ياسمين
اولا ماأقدر انزل نموذج للأسئلة لان ما عندي نماذج قديمة ,هو اختبار واحد ولسة ما اختبرو البنات. ثاني شي انا شرحت بعض الطرق لعمل الاسئلة وهي مرة سهلة , وحاولي توزعي الدرجات بطريقة جيدة .
وبالتوفيق:)

الله يبارك فيك يا HAMS ابغى توضيح وافي وكامل عن طريقة الاختبار العملي والشفهي لاعمال السنة الي من 5 واللي من 30 وفي اي وحدات الله لايحرمك الأجر ضررروي

مرحبا..........أنا اسفه لية فترة ماأذخل المنتدى بسبب الاب
بالنسبة للوحدات العملي هي الوحدة (3,5)إلي هي وحدة التصنيف والفهرسة ووحدة المصادر اما وحدات النظري هي(1,2,4) اما الوحدة السادسة فقط نطبق عليها البحث وخطواته يعني مايدخل اختبار درجة هذي الوحدة من 15 إلي هي درجة البحث .
بالنسبة للاختبار الدوري العملي 5 والنظري 10 كلن في الوحدة المخصصه له أنا اختبر اختبارين للعملي في الوحدتين واختبارين للنظري بعدين نجمع ونقسم,النهائي العملي 30 في الوحدتين مثلا الوحدة الخامسة تعملي جدول تعطي المرجع المطلوب والكلمة المطلوبة وتقوم الطالبة بالبحث عنها في المكتبة من المصادر التي درستها وتسجل كيفية البحث ورقم الصفحة والمجلد , اما الوحدة الثالثة تعمل بطاقات فهرسة ورقم الطلب لكتب محددة وانتي وشطارتك في ابتكار الاسئلة خاصة العملي, والنظري علية 20 معروفة طرقة الاسئلة, ووحدة البحث لها توزيع خاص للبحث لكي تأخذ الطالبة ال15 درجة منها مثلا 2 للحاشية 2للمسودة 1 للمقدمة وهكذا .
ملاحظة/ هذا التقسيم أخدنه من مشرفاتنا في جدة باقي المدن ليس لديه خلفية عنه
وأي سؤال او مساعدة أنا حاضرة وإنشاءالله نستفيد من بعض وشكرا

السلام عليكم ورحمة الله وبركاته ...
أسعد الله أوقاتكم بكل خير ...

أنا ادرس مادة المقررات من سنتين ... أول شي من حيث تقسيم الدرجات 50 لاعمال السنه مقسمه طبعا التقسيمات بتعطيك اياها موجهتك ...
و50 درجه نهائي (30 عملي - 20 نظري )
العملي ( انا احدد دروس لطالبات مثل درس الفهرسه اجيب لهم بطاقة صماء واطلب منهم يحددون الامور المطلوبه / ودرس التصنيف اجيب لهم تقسيمات ديوي العشري الاصليه على شكل صلي / ودرس الحاشيه اجيب لهم صوره من كتاب ولا من دوريه واقوله وثقوا لي اياها / ودرس علامات الترقيم اجيب لهم قطعه واقولهم طلعوا لي علامات الترقيم وبينوا لي استخداماتها ) تقريبا هذا كل مايخص العملي ...
اما النظري ( فااختبرهم ب3الوحدات الاخيره )

- طبعاهذا يعتمد على موجهة المعلمه نفسها ...


* واتمنى اني اكون افدكم :)

واي سؤال انا جاهزه

الله يعطيك العافية ....تسلمي على المعلومات وانت لك خبرة اكثر مني ...بالنسبة للوحدة السادسة انا إلي فهمته من موجهتي ما أدخل منها في الاختبار فقط تقيم البحث واعطتني ورقة لتقيم البحث من 15 درجة , لكن حرجع وأسالها ثاني .
عندي سؤال بالنسبة للوحدة الخامسة كيف يكون الاختبار العملي فيها , انا عملتها على جداول زي ماعطتني الموجهة بس لاحطت ان الموجهات مايهتمو في العملي , وكيف جدول الموصفات طبقتوه الترم الاول قالو فيه غلط .
ومشكورة على ردك واهتمامك

عزيزتي بالنسبه للوحده الخامسه مادخلتها من ضمن دروس الاختبار العملي لان مااحس شي سهل على الطالبه انها تستخرج معلومه من موسوعه ولا من معاجم لانها تحتاج وقت ووقت الاختبار قصير ... فاذا كانت موجهتك معطتك خطة للاختبار العملي غير امشي عليها لان انا بصراحه من العام والترم الي راح وانا اتبع نظام محدد الي تحديد بعض الدروس للاختبار العملي زي ماذكرت لك قبل ...

اما الوحده السادسه لا ادخلها بالاختبار النظري ...

اولا واخيرا يرجع لموجهة كل معلمه ...

العفووو واحنى لبعض والله يوفقنا ويوفق الجميع ... واي سؤال انا جاهزه :)

7

7

عزيزتي انا ماسكة هذي المادة طبعا هذا الترم وماني عارفه كيف طريقة الاختبار وشكلي بسوي زي اختنا اللي في جدة .. حتى مشرفه ماني عرفه وين القاهااا .. فياليت اللي من مكة دلني ع مدرسة اقدر اتواصل مع معلمة المادة

أختي ms- ممكن ترسليلي طريقة اختبارك .. وكمان بالنسبة للأختبار العملي 30 كيف قسمتيها وهل استطيع ان اجعلها مخصصة بالبحث فقط .

وهل الأختبار يكون في اسبوع اختبارات المواد العمليه ام مع الاختبار النهائي

عزيزتي ام قتيبه...
بالنسبه للاختبارالعملي يكون مع اختبارات العمليه وطريقة تقسيم الدرجات 3اسئله وكل سؤال 10 درجات
أما البحث له درجه مخصصه الي هي 15 درجه للبحث وال30 للاختبار النهائي العملي

من ناحية الاسئله صعبه شوي بحدد لك الدروس الي دخلتها بالعملي (الفهرسه - التصنيف - طريقة البحث بالانترنت - الحاشيه - علامات الترقيم )

اما بالنسبه للاختبار النهائي الي من 20 درجه يكون مع جدول الاختبارات النهائيه المعتاده والاعلب يحطونه اخر يوم بالاختبارات

اذا في اي صعوبه بكتابة الاسئلة انا مستعده اساعدك

وأعتذر عن التقصير ...

واي سؤال انا مستعده :)

اهلين ....
بالنسبة للاختبار العملي زي ماقلت في (الوحدة5 و3) طيب الوحدة الخامسة عملته زي الجدول ...(انا ماني عارفة كيف انزل لكم نماذج) الوحدة الثالثة بطاقة فهرسة مثلا صماء والطالبة تكتب البيانات , وتصنيف ديوي مثلا تحطي لهم الجدول وتعطيهم اسماء كتب مع اسم المؤلف ومن خلال الجول تعمل رقم الطلب, ممكن بطاقة الفهرسة تعدد لك المداخل ,انت وابداعك في العملي اخترعي اسئلة.
والله يسهل لنا ولكم

وأنا جاهزة لاي سؤال :)

الله يسلمكم حبايبي استفدددت كثييير منك

معلمات الله يسعدكم اختبار البحث ومصادر المعلومات متى يكووون في اسبوع اختبار الحاسب ولا في اسبوع الاختبارات النهائيه

يامرحبا :)
الاختبار العملي خلاص اغلب المدارس بدو فيه , اما النظري انا الترم الاول كان في اسبوع الاختبارات , وإلى الان مافي اي تغير .

حبيت اسأل في نظام المقررات ماشين على جدول المواصفات ول لا unsure

لان الترم الاول ما مشين عليه:D

موفقه اختي

هلاا ممكن توزيع منهج مادة البحث مقررات لهذا الترم وشكرا

الاسبوع الرابع



تنظيم مصادر المعلومات



الفهرسة



أهم المداخل لاسترجاع مصادر المعلومات



تطبيق عملي على بطاقة الفهرسة- المداخل



البحث في الفهرس الإلكتروني


الاسبوع الخامس



تطبيق عملي على برنامج اليسير



اختبار الوحدة الثالثة



تقنية المعلومات



برامج الحاسب في المكتبات ومراكز المعلومات



شبكات المعلومات

الاسبوع السادس

انترنت:مصدر للمعلومات-المكتبات الإلكترونية تطبيق عملي على الانترنت



اختبار الوحدة الرابعة



مصادر المعلومات



الموسـوعـات - نماذج لأهم الموسوعات

الاسبوع السابع

تطبيق عملي على البحث في الموسوعات المطبوعة



تطبيق على البحث في الموسوعات الإلكترونية



المعاجم



نماذج لأهم المعاجم المطبوعة



نماذج لأهم المعاجم الإلكترونية

الاسبوع الثامن

تطبيق عملي على المعاجم المطبوعة



تطبيق عملي على المعاجم الإلكترونية



التراجم



نماذج لأهم كتب التراجم المرجعية



تطبيق عملي على البحث في كتب التراجم

الاسبوع التاسع

الأدلة



تطبيق عملي على البحث في الأدلة



تطبيق عملي على البحث في الأدلة الالكترونية



الأطالس



تطبيق عملي على البحث في الأطالس

الاسبوع العاشر

صباحكم خير يااارب ،،. أنا عارفه أن الموضوع مو وقته بس الله يسعدكم يا معلمات منهج البحث ومصادر المعلومات ساعدوني بتحاضيركم وعروض كم لأني اول مرة ادرس وأمسك منهج المقررات وقلقانه جيدا منه والله يجعله في موازين حسناتكم ......

حبيباتي مساء الخير ,,
ممكن لو سمحتوا تنزلوا نماذج لاختباراتكم العملية عشان توضح الفكرة تمام .

الله يسعدكم نزلو نماذج للاختبار العملي و عروض بوربوينت للدروس انا جديده ع الماده ونظام المقررات لسه مافهمته جالسه اختبر البنات كل بعد وحده عشر درجات

ردووووو بلييييز

يفضل ان تكتب استاذه افضل وشكرا

اخت همس ممكن تنزلي اعمالك من عروض واوراق عمل عشان نستفيد كلنا