|
لوسمحتو يا معلمي المكتبه كم نصابكم من الحصص؟
بسم الله الرحمن الرحيم اسعد الله اوقاتكم بكل خير لوسمحتو يا معلمي المكتبه كم نصابكم من الحصص؟ يعني لو مدرسه عددطالباتها 150 كم المفروض نصابك؟ بقولكم مشكلتي انا معلمه مستجده ادرس مكتبه نصابي اربع حصحص هنا المشكلهfrustrating لان المبنى مستاجر يعني مرررره صغير حتى مكتبه مافي و بعض الفصول تدرس في المطبخ حق البيت المهم قالو امسكي مطالعه مسكت قالو امسكي النشاط مسكت قالو امسكي ارشاد مسكت واذا جيت اتكلم قالو انت نصابك اربع حصحص وش اسوي اذا هذي قسمت ربي الي والله العظيم اخر شئ قلت لهم اني بطلع للسطح حق المدرسه وانتحر عشان النصاب الكل حاااط عينه عليه اخرشئ المستخدمه تخزني بعيونها مدري وش تبي بس الله يستر:confused: لو كنتو مكاني وش اتسوون ابحالكم,,,!!!! |
معقولة
بمدرستي يوجد ثلاث مكتبات مكتبة لرياض الأطفال مكتبة لطلاب المرحلتين الإبتدائية و الإعدادية مكتبة لأعضاء هيئة التدريس يوجد بالمكتبة 42 حصة أسبوعيا لمختلف المراحل الدراسية لأن كل فصل لأزم يأخذ بالأسبوع حصتين بالمكتبة حصة مع مدرس اللغة العربية و الأخري مع مدرس اللغة الإنجليزية عدد طلاب مدرستي تقريبا 600 طالب و طالبة |
ياهلا فيك اختي شعاع الحق
واختي ملوكه حسسيت بمعاناتكم فعلا انا في مدرسة فيها حوالي تقريبا 350 طالبا ونصابي اربع حصص مكتبة واول مادخلت باب المدرسة منقول طبعا لقيت الجدول جاهز وفيه فوق اربع حصص مكتبة اربع حصص تربية وطنية قلت للمدير انا مادرست تربية وطنية ولي حوالي 7 سنوات مفرغ امين مصادر تعلم من الوزارة قلي مشيها يارجل ومابنقصر معاك فعلا مشيتها وفوقها اشراف وحصص انتظار لكن المدير عسل واي طلب اطلبه مايقصر ومريحني في الجدول حصصي الاولى وانتهي بدري بس والله التربية الوطنية ناشبه لي ههههههههههه وبعدين شعاع الحق انتبهي من المستخدمه لايكون حاطه عينها عليك تبيك تمسكي الباب مكانها ههههههههههههههه ربك يسهل على فكرة كل المدرسين اللي انصبتهم مرتفعه كل مااقابلهم يقولوا ياليتنا مدرسين مكتبة ؟؟ سبحان الله طيب اقولهم وش حشركم في التخصصات الثانية والا حاسدينا على هالتخصص مااقول الا ربك يعين يخليك ربي راكان |
انا عدد الحصص لي 6 حصص
و4 حصص تربيه وطنية وهذي الماده اكرهه ماله اي داعي في الحياه لانجاح ولا روسب وعدد الطلاب في المدرسه تقريبا 409 طالب بس انتو عارفين انه قسم العلوم الطبيعه مايدرسون مكتبة |
أنا عندي 9 حصص في الأسبوع
بس محلليني تحليل وكارفيني في كلش ودائما يكون عندي حصص انتظار يعني اول ماأشوف فيه غياب من المعلمات أسلم أمري لله ما أقول إلا الله يعيننا ولا يخيب تعبنا |
رغبة في المشاركة في الموضوع
نقول وبالله التوفيق من حيث المبدأ أتمنى ألا يزيد نصاب المعلم أو المعلمة عن ( 18 ) حصة لاعتبارات كثيرة... ولكن قد تحصل ظروف في المدرسة لنقص طارئ لمعلم أو معلمة وهي لدى تعليم البنات تكثر وهذا لايحتاج لدليل من هذا المنطلق فيجب التفاعل داخل المدرسة للتغلب على بعض المشكلات التي تستجد فالمشاركة والتفاعل أعتقد أنها وقود للمعلم ويشعر بلذة العمل بعكس الممانع أو من يستمع للمثبطين داخل المدرسة وأقول ذلك من تجربة ، أ تمنى أن يستمع المعلم من زميله لتجاربه الناجحة لاالهرولة وراء التذمر والتشكي فنحن مسؤولون يوم القيامة ولم نجبر على العمل التربوي فضلا عن كونا قدوة حسنة لطلابنا وما أجمل أن ترى طلابك في ميادين العمل ويذكرونك بالخير والحديث هنا يطول .... أسأل الله أيوفقني وجميع المعلمين والمعلمات للخير كله وأن نكون هداة مهتدين نافيعين لأبنائنا وأوطاننا أنه ولي ذلك والقادر عليه |
ملوكه طيب ان شاء الله مرتاحه بوضعك يعني مو مضغوطه
فلدا والله نفس الحاله بس الحال تطور اكثر راكان ويسري مشكورين نفس المشكله تعانون منها الله المستعان المسافر والله ما تذمرت بدليل اي حاجه امسكها بالعكس متعاونه اخرها الباص مع الطالبات صرت اركب مع البنات وارتبهم اقول لهم اسكتو عيب وشكل هذا اللي كانت تبيه المستخدمه الله يعطيكم العافيه على المرور |
اقتباس:
|
أنا صراحه
عندي 15 حصة لأن عندي خمس فصول أولى ثانوي ولهم حصة وحده في الاسبوع عددهم 120 طالبة ثاني أدبي فصلين ولكل فصل حصتين ثالث أدبي فصلين وثلاث حصص غير الرياده والجمعيات وغير الانتظار وهذا انا مسؤولة مصادر |
أما أنا ياعيييييييين يالييييل لأن نصابي بسسس 7 حصص علي أن أرفع رايات الولاء والبراء للجميع وأقبل بالندب لأي مدرسة سنوياً حتى أكمل بعض من نصابي وتعالي كررري درس أول ثانوي في المردرستين 8 مرات في الأسبوع لين أقرف من كثر التكرار وبعدين في الفصل الدراسي الثاني تابعي الطالبات في المدرستين للصف الثالث في أبحاثهم حتى تكرهييين تخصصصك والله المستعان، ،، وإن سلمتي من الندب مؤقتاً تشكين إنه تحول تخصصك إلى معلمة إحتياط
|
الله يسعدكم جميعا"
علشان ما ازيد واعيد نفس المشكله عندي نصابي 7 حصص بالندب بس هاتك يالندب الدايم وماسكه مكتبة المدرسه والاحتياط تقول ما فيه الا انا الله يعينا وياكم |
أهلين
أنا نصابي 9 حصص ولازم من الانتظار والانتداب والريادة والنشاط |
| الساعة الآن 02:31 AM. |
Powered by vBulletin® Copyright ©2000 - 2024, Jelsoft Enterprises Ltd.
جميع الحقوق محفوظة لـ : منتديات اليسير للمكتبات وتقنية المعلومات
المشاركات والردود تُعبر فقط عن رأي كتّابها
توثيق المعلومة ونسبتها إلى مصدرها أمر ضروري لحفظ حقوق الآخرين