[دلال التميمي]

السلام عليكم ورحمته وبركاته

اول شي احب اشكركم على هذ1 المنتدى الرائع ...

وثاني شي انا طالبه ثالث ثانوي .. وابتلشنا بالبحث ...

مدرستنا مره ضغط عندنا معلمه وحده هي تدرس 1/ 2 / 3 / ثانوي .. وماسكه النشاط وهي المسؤله عن المكتبه ,, وحامل بعد


يعني ام ابو جد الضغط عليها

تخيلوا حتى وقت الفسحه ياعمري عليها مالقاها بغرفتها .. تكون موجوده عند احد الطالبات تشرح لهم..

ومره جيتها الحصه الاخيره شوي وتصيح عندي قالت يادلال الله يرحم والدينك انا مره تعبانه .. ورحمتها وقلت خلاص اجيك وقت ثاني


وهي علينا كل سبت وانا السبت مااعترف فيه ابد ... بصراحه اتعب يوم السبت ولا اداومه كثير



المهم بقولكم الزبده

انا صورت المسوده اللي هي التقارير والخطه وتلخيص مقاله والمتن والخاتمه وقائمه المصادر....


الحين بسال المتن 15 ورقه صح ..؟

الخاتمه كم ؟؟؟
والمصادر ؟؟ << بصراحه انا صورت اكثر من 8 نسخ لاني مدري كم احتاج بالضبط


وانا موضوعي عن ابو بكر الصديق
(( اللي عنده مقال او بحث او اي موضوع يتعلق بابو بكر لايبخل علي))


كتبت التقارير وخلصت
وتلخيص المقال
والخطه

قسمته الي فصلين وكل فصل الى مبحثين
الفصل الاول : التعريف بابو بكر
المبحث الاول: اسمه ونسبه
المبحث الثاني : صفاته واخلاقه

الفصل الثاني: اسلامه ودعوته مع الرسول ووفاته
المبحث الاول: اسلامه ودعوته
المبحث الثاني : وفاته

<<---- مدري كذ1 زين ولا لا ...؟؟!!

وترتيب اوراق البحث مدري وش سالفتها ..................

عنوان البحث .. كتبته وجهزته (( العنوان والاسم والصف ....))

المقدمه .. مدري وشلون ابدى فيها ..< تراني درج بالاشياء هذي

الحين نجي بالمهم المتن وش نسوي فيه بالتفصيل << الي فهمته انو نكتب المباحث فيها بس وشوو طريقتها بالضبط


والخاتمه << لااعرف اقدم ولا اختم << الشكوى لله المخ متنح




اسفه طولت عليكم بس وش اسوي انا مالي بعد الله غيركم


واتمنى احد يرد علي بدري لان محتاجه للمساعد << المعلمه طالبته يوم الاربعاء بدايه شهر 4


وهـ بس تعبت



شووووووووووووووووووووووكررررررررررررررااااااا مقدما



والله ثم والله لدعي للي يساعدني بظهر الغيب