[بيلسان]

أنا متاكدة إن اغلب المتخصصين مكتبة يعانون من تهميش المادة ومن عبارات الإحباط اللي دائما تتردد أمامهم ... تخرجت من الجامعة بمعدل عالي وكنت فرحانه ماكان عندي أي خلفية عن مستقبل هذه المادة وانصدمت بعد التخرج اسمع من بعيد لبعيد الناس اللي حولي مالقيت الا هذا التخصص تحلم بالوظيفة... وأنا بس اسمع كلام زي كذا أحس مايزيدني الا إصرار والله وأفكر بس أتوظف عشان اقطع لسان كل اللي ينتقد تخصصي ويلومني على اختياري .. حاولت أقدم عندنا في الجنوب بس مره مافيه استجابة وتعامل سيء وكأني اطلب شيء مستحيل بالرغم فيه احتياج ... فااضطريت أقدم على إدارة بعيدة عنا بس أبغى اثبت للناس انه إذا ربي كاتب لي وظيفة راح أتوظف بغض النظر عن التخصص
الحمد لله على طول اخذوا أوراقي وبعد أسبوعين من الدوام تعاقدوا معايه بس والله كان الدوام صعب لان المكان يبعد عنا حوالي 85 ك وسيارة تطلعني من البيت لحد الباص وعلى المدرس وهكذا والله كان فيها مشقة كبيرة عليه بس تحملت وكل اللي حولي يقنعوني اترك الوظيفة بس جالد وصبرت ياليت كل متخصص في هذا التخصص يحاول يرفع شانه ومايسمع كلام المحبطين ويحاول يحب الطلاب في المادة والله إني خلال الثلاث السنوات اللي درسِتها حاولت أحببهم في المادة وأغير نظرتهم لها من أول حصة ادخل وأعطيهم خلفية حلوة عن المادة بالرغم إني أصادف بنات عندهم خلفية سوداء عن المادة بالرغم أنهم لسى ما درسوها وكل ترم أحاول أغير من طريقتي في التدريس وأتعلم أشياء في الحاسب لان درستنا للمواد التقنية كانت للأسف نظرية وأحاول اجذبهم بالعروض وأعطيهم التطبيق بطرق متنوعة حتى والله ساعات يطلبون أعيد التطبيق هذه بعض محاولات حتى أغير نظرتهم عن المادة بس والله المعلم هو السبب الأول في حب الطالب للمادة واكرهه لها ...
(((((مرة كان عندي حصتين انتظار في نفس الفصل فقاموا البنات يسألوني أسئلة والغاز وسبحان الله ولا سؤال وقفت عاجزة عنده الا شويه تقوم طالبة وتقول بدهشة ابلة بصراحة غيرت نظرتي عنك وعن تخصصك كنت احسبه تافهة قلت لها هذا ثقافتي ومالها أي دخل بتخصصي يعني وين مانرورح نلاقي الناس اللي يقللون من هذا التخصص )))
حاليا أنا بدون وظيفة لان عندي أمل بالتعيين لأنه أول سنه يسمح لي بالتقديم على الديوان...وعرفت إن رقم المفاضلة ( 1) لكن مـــــــــــــــــــــــــــــــــافيه توظيف لأنه مانزل احتياج بالرغم انه في 4 مدارس جنبنا مافيها معلمة مكتبة بالله وش رأيكم شيء يقــــــــــــــــــــــــــهر
حتى وان غيرت نظرة طالباتي من يغير نظرة التعليم و ادراته لهذا التخصص ؟؟؟ والله في منطقتي نظرة قد تكون اقل من الدونية للتخصصي والله اشعر بالانتماء له وأي احتقار له اشعر بأنه احتقار لي !!!!!!
اخيراً :
أمنيتي أشوف هذا التخصص شأنه عظيم يوما ما ..........
شكراً لكل من سيقراء ماكتبت ويعلق على موضوعي .